Зимата во Европа станува се‘ поопасна-околу 300 луѓе досега починаа од студ. Во Германија се измерени минус 29 степени, во Србија е прогласена вонредна состојба поради временска непогода.

Владата во Вашингтон одлучи да ја затвори својата амбасада во Сирија поради влошената безбедносна состојба. Париз и Берлин пак, се заложија за формирање Контакт група за Сирија.

Израел, според проценките на американскиот претседател Барак Обама, нема конкретен план за напад врз Иран, тој не верува дека е веќе донесена одлука во врска со тоа.

Конзервативниот политичар Саули Нинисто е избран за нов претседател на Финска во вториот круг од изборите со 63 проценти од гласовите.

Кина, Бразил, Индија, Мексико ... земјите во развој прераснуваат во двигатели на светското стопанство.

Борусија Дортмунд беше единствен тим од водечката четворка во Бундеслигата кој славеше победа во 20. коло. Фудбалската јавност во Германија е преокупирана од случајот Балак.